Steinvörn svört

Stoneguard black er blönduð í leysiefni, þetta er seig húð úr blöndu á gervikvoðugrunni ætluð til úðunar og hefur frábæra eiginleika til að vera lítt sýnileg. Sérstakir eiginleikar þessa efnis er að það er fljótt að þorna og það má mála. Gegnumþurr hefur húðin viðnám gegn núningságangi, ver gegn tæringu og hefur frábæra malarvörn og hljóðeinangrun. Þurr húðin bindur sig vel við ómálað sem málað stál svo og plast sem hefur verið grunnað eða er með fylliefni. Efnið má mála með venjulegum málunartækjum og fullþurrt má slípa það þá hefur það viðnám gegn leysiefnum.

Eiginleikar:

• Lítt sýnilegt
• Mjög þolið gegn núningságangi
• Gengur með PVC
• Viðnám gegn leysiefnum (fullþurrt)
• Má yfirmála vott í vott
• Mjög auðvelt að slípa niður eftir þornun
• UV þolið

Notkunarsvið: Stoneguard black er notað á sýnilega fleta ökutækja svo sem sílsa, vindskeiðar, fleti framan og aftan neðan á ökutækjum á undirvagn og yfirbyggingarhluta og plastviðgerðir til varnar steinkasti og tæringu vegna hálkueyðingarsalts og bleytu. Stoneguard black er ekki nothæft á sveigjanlegt efni.

Leiðbeiningar: Yfirborð sem á að þekja með Stoneguard black verður að vera tandurhreint. Ryð verður að fjarlægja. Yfirborðið verður að vera þurrt, ekkert bón, óhreinindi eða fita og algjörlega rykfrítt.

Viðloðun Stoneguard black má bæta ef yfirborðið er grófslípað áður. Stoneguard black má bera á með USB úðabyssu, vörunr. 6219 eða þrýstiloftsbyssu, vörunr. 6220 með loftþrýsting 2 - 8 bar allt eftir munstri sem óskað er. Hristið innihald brúsans kappsamlega fyrir notkun. Ekki skilja ílátið eftir opið annars myndast skán á yfirborði efnisins.

Ráðlegging: Fyrir þunnt lag: innan við 1 kl.st. Fyrir þykkt lag: innan við 6 kl.st.

Þykkt lag skal ekki setja á í einni umferð. Venjulega þarf að úða 4 umferðir. Lagið verður stöðugt harðara svo ef mála á Stoneguard black aftur seinna þarf að meðhöndla það með festigrunni fyrir plast eins og um plast væri að ræða. Stoneguard black inniheldur leysiefni sem ætir hvarfefni eins og sínk úðalag eða zinc-ríka málningu. Vegna þessa á að forvinna hvarfefni með viðeigandi grunni áður en Stoneguard er sett á.

ATH: Ekki úða efninu á hluti sem hreyfast eða hitna svo sem vélræn liðamót,vélar, gírkassa, drifsköft, útblástursrör, hvarfakúta eða hemlakerfi.

Stífluð úðabyssa getur valdið því að brúsinn springur. Notkunarleiðbeiningum fyrir úðunarbyssuna þarf að fylgja. Að lokinni notkun skal hreinsa úðunarbyssuna með þar til gerðu hreinsiefni. Þegar búið er að setja efnið á má mála það með venjulegum málningaraðferðum (grunnur og glært lakk) jafnvel mjög fljótlega (eftir 20 mínútur allt eftir efnisþykktinni). "Vott í vott" málun og þar á eftir þurrkun með varma (innrautt eða ofnbökun) við 60 °C veldur ekki blöðrum eða sprungum.

Stoneguard black á alltaf að mála innan 6 klst. eftir að það er sett á svo málningarlagið geti bundist yfirborðinu áður en það harðnar endanlega.

Magn: 1 líter