Epoxy fljótandi málmur

Liqui Moly Liquid Metal er fljótþornandi tveggja þátta epoxy lím með hástyrktar eiginleika. Liqui Moly Liquid Metal er notað til að fylla eða rétta ójöfnur í ýmsum efnum svo sem áli, kopar, stáli, látúni, steinsteypu, FK/SMC, viði, gleri, plasti, keramik, máluðum málmum, grafíti, polyurethan, sínkhúðuðum málmum, harðplasti o.s.frv. eða til að líma saman tvö mismunandi efni.

Eftir þornun má vinna efnið niður, slípa eða mála. Hámarks límstyrkur fæst við sjáanlega þykkt u.þ.b. 0,13 mm. Fullur límstyrkur verður eftir u.þ.b. 2 – 3 klst.

Eiginleikar:

• Þornar fljótt
• Fyrir snögga varanlega viðgerð
• Áframhaldandi vinnsla möguleg eftir þornun
• Má slípa og mála
• Mikill styrkur
• Gott viðnám gegn efnum
• Yfirburða líming við önnur efni

Notkunarsvið: Liqui Moly Liquid Metal er notað til að fylla og jafna í sprungur, göt, skökk borgöt, gljúpa bletti ásamt viðgerðum á rörum, geymum, skrúfgöngum, húsum og vélahlutum eða til að líma saman mismunandi málma eða á milli þeirra.

Leiðbeiningar: Liqui Moly Liquid Metal kemur í handhægum tvöföldum dælum þar sem réttu blönduhlutfalli beggja þátta er stjórnað sjálfvirkt.

Til skömmtunar og bestu blöndunar er notaður blöndunarstútur 7700 mini, vörunúmer 6029 . Fletirnir sem á að líma verða að vera þurrir, lausir við olíu, feiti, ryk og aðrar leyfar óhreininda.

Magn: 25ml

Nánari tækniupplýsingar er að finna í vörulýsingar skjali undir skrár hér að neðan.